أحمد فهمي يتهم «نجم كبير جدا» بالهجوم على مسلسله «رجالة البيت»

أتهم أحمد فهمي فنان ، لم يعلن عن اسمه ،بأنه وراء حملات للهجوم على مسلسله "رجالة البيت" الذى عرض في رمضان الماضي.

وأضاف أحمد فهمى، في لقائه مع برنامج "يوم ليك"، للإعلامية سمر يسرى، على قناة الحياة،: "رمضان الماضي حصل مشكلة مع مسلسل رجالة البيت، وأنا ليا حاجات بتنجح وحاجات لان واتعرضت لهجوم كان غريبا وبشكل كبير والهجوم كان قبل عرض العمل، وكانت عليا حملات هجوم كبيرة، وكان صاحب حملات الهجوم دي نجم كبير جدا، ومش بينافسنى وقطعت علاقتي بيه وليس القنان محمد رمضان عشان الناس متقولش أني بتكلم عليه، حد بعيد ومش منافس ليا، وممكن يكون عشان كنت برفض أشتغل معاه في عمل".

وقال أحمد فهمي : "أنا بعيش على طبيعتي قبل وبعد دخولي التمثيل، وبحب أكون على طبيعتي دائما، وفيه فنانين بيكونوا مش على طبيعتهم ودول ببعد عنهم، والمرض والفقر كابوس بالنسبة ليا وأكتر حاجتين يكسروا الإنسان".