الرئيس السيسي: تنفيذ كل المطالب التي تحتاجها قناة السويس
ووجه الرئيس السيسي، التحية للعاملين في هيئة قناة السويس، قائلا "أحيي العاملين والجهات المشاركة في إنهاء الأزمة، اللي ربنا سبحاته وتعالى كللها بالنجاح والتوفيق وبأقل حجم من الخساير، رغم أن حجم المشكلة كان كبير، الحمدلله لا خساير في الأرواح ولا بدن المركب".
وأضاف الرئيس خلال زيارة لقناة السويس، "اسمحولي أحيي الجميع من أول رئيس الهيئة إلى أصغر عامل بها".
وتابع، اسمحولي أن "انتهز الفرصة، في ملحوظة مهمة بتلفت نظري دايما وبتطمني، وهي رد فعل الناس في مصر، صحيح كل الأشقاء والأصدقاء كانوا داعمين للجهد وعرضوا المساندة بإخلاص والدعم، أشقاءنا في الخليج أو حتى في المنطقة العربية أو في جميع أنحاء العالم بنشكرهم وبنوجههم ليهم الشكر والتقدير".
واستكمل "هاتكلم عن المصريين اللي كانوا متابعين بصمت، وكان حاجة خاصة بيهم كلهم في أزمة حتى هم كانوا بيساندوا بالصمت الكل بيتابع".
وواصل "الأزمة انتهت بفضل الله تعالى، وكان رد الفعل على مواقع التواصل الاجتماعي ووسائل الإعلام لافت أد كده الناس بتحب بلدهم أيوا محبين لبلدهم أيوا وحرصين عليها أيوا مفيش كلام، علشان كده الظروف اللي مرت علينا كان المصريين واقفين جنب بلدهم وقياداتهم في الأزمة".
وقال "المصريون عبروا عن فرحتهم وسجلوا ده، ودا لفت نظري ومنتبه له من بدري أوي، هم دول المصريين اللي هم حابين بلدهم وحريصين عليها".
