محمد منير: كنت عايز أضرب يوسف شاهين في تصوير فيلم المصير

حكى الكينج محمد منير، خلال لقائه مع إسعاد يونس، في برنامج "صاحبة السعادة"، المذاع على قناة دي إم سي، قصة تصوير أغنية "علّي صوتك بالغنا"، من فيلم "المصير".

وقال "يوسف شاهين وكمال الطويل مكانش عاجبهم الغنا، وكل ما أغنى أسمع غلط ومقدرش أعترض عليهم ولا أتخانق معاهم، وقلت أضرب شاهين ولا أعمل إيه روحت عيطت وده خبث منى ولؤم، ولما شافوا الدموع نازلة من عينى سابوا لى الاستوديو، خلصت الأغنية فى 5 دقائق، معروف عنى فى وسط الاستوديوهات ومهندسى الصوت إنى أسرع وأشطر مغنى، لأني بأروح مذاكر."

وأضاف "بحب شخصية مروان اللي قدمتها في فيلم المصير؛ لأن الشخصية كانت قريبة منى ومن شخصيتي، وكان مع حبيب قلبى الراحل نور الشريف وصديقى محمود حميدة وصفية العمرى ربنا يديها الصحة".