الرئيس السيسي يستجيب لحالة سائقة التروسيكل: «تستحق كل خير.. هندبر كل اللي عايزاه»

استجاب الرئيس عبد الفتاح السيسي، لحالة السيدة ناهد جمال سعيد، سائقة التروسيكل، بعد مناشدتها بمساعدتها، لأن لديها 5 بنات، وتعمل سائقة على تروسيكل من أجل توفير عيشة كريمة لها ولأسرتها.

وقال الرئيس السيسي في مداخلة هاتفية لبرنامج "من مصر" الذى تقدمه الإعلامية ريهام إبراهيم والإعلامي عمرو خليل، عبر قناة CBC: "أنا بأبلغ تحياتي واعتزازي وكمان ألمى الشديد إن يبقى فيه 5 بنات، وهى بتجري عليهم كده وإحنا بنتفرج".

ووجه الرئيس السيسي حديثه لسائقة التروسيكل، قائلا: "ربنا يديكى الصحة.. وهندبر كل اللي عايزاه وهي تستحق كل خير.. وكل ست بتعمل كده تاج على رأسنا وتشرفنا.. والسيدة دى ست بـ100 راجل، وبقول لكل مسئول في مصر من فضلكم خلوا بالكم من أهلكم وناسكم الست عرض وإحنا مسئولين عنها في الظروف اللى زى دى".