سميرة سعيد: عتمان أول حب ليا وكان عندي 5 سنين

قالت النجمة سميرة سعيد " إن أول حب كان عندي 5 سنين وكان اسمه عتمان وساكن جنبنا وكنا نروح لغاية المدرسة ماسكين ايد بعض، بس شكلها كانت من طرف واحد ومكنش هو حاسس بحاجة".

وأضافت سميرة سعيد خلال استضافتها في الجزء الثاني من برنامج "السيرة" مع الإعلامية وفاء الكيلانى المذاع على قناة Dmc، " تانى حب ليا كان من شخص بلجيكى لما حضرت فرح أخويا أنيس في بلجيكا، بس برده شكله كان حب من طرف واحد، وعيشت كمان في فترة المراهقة حب ميؤوس منه اللي هو مستحيل، عشان هو كان صغير وانا لسه بدرس وهو بيدرس ومحصلش لقاء وكان كله في الاحلام كنت عايشة بحب مع نفسي وعلى نفسي".

وأوضحت:" اتخطبت لشاب مغربي سنتين ولكن سيبنا بعض لأن العلاقة لم تكن متكافئة في الفكر والثقافة وكنت أنضج منه بكتير، فمكنش ينفع نكمل سوا".