رجاء صياغة الفقرات.... أحد أهالى قفادة: الناس باعت كل ما تملك وحسين خدعنا والناس فى حالة ذهول بعد النهاية السيئة

قال  أحمد، أحد أهالى قفادة بلد مستريح المنيا، إن حسين انقطع عن البلد فترة طويلة بتواجده فى الصين وكان اتصل على الناس وقالهم باصدر رخام للصين ويعمل مترجم صينى وأقنع الناس بطريقة غريبة جدا أنهم يسلموه مبالغ كبيرة وطبعا الناس مساكين وغير مخضرمين.

وأضاف شافوا ناس دفعت فلوس وبياخدوا أرباح أصبح فى غيرة بين الناس كل بقا يدفع، وشافوا أشخاص ركبت عربيات سعرها تجاوز 600 ألف كل ده من الأرباح وشغل وشغال والأرباح بتيجى فى ميعادها أو قبل ميعادها بيوم واتنين، ونسب الأرباح بدأت من 8.5% حتى 17%.

وأضاف أحد الأهالى، الوضع كويس ومينفعش فيها غير الحل العرفى لأن فى ناس حصلت على أرباح مضاعفة وعندما علموا أنه مكنش فى شغل من الأساس تبرأت من الربح والناس هنا فى حالة الذهول ولم يتوقعوا هذه النهاية، الناس سحبت قروض من تساهيل والبنوك الصغيرة والناس هتتحبس وبيوتها اتخربت الناس بتضحك على نفسها، باعوا كل ما يملكوا أرض وبيوت وذهب وسحب قروض من البنوك الصغيرة ومحدش كان متوقع هذه النهاية السيئة.

وتابع أحد الأهالى، خدعنا كلنا كونه أهليته من البلد وخاصة أن أهله كانوا شغالين معاه فهل يعقل أنه هينصب على أهله أو هيورط أقاربه فى لغز فى الموضوع وأقاربه فى البداية أهله مكنوش مؤيدينه الا بعد ما اشتغل سنة واتنين وهو بدأ من 2017.

 وتوجه بالشكر للأمن على مجهودهم، قائلا: من وجهة نظرى اللجنة العرفية هى الحل؛ لأنهم حاسين بالناس وعارفين مين باع أرضه ومين واخد القروض والناس اتخرب بيوتها والناس بتضحك على نفسها يعنى بيقولوا لنفسهم دلوقتى ما أنا كنت قاعد فى بيتى وعندى أرضى مكنتش مديون.