«اعترف لي بحبه برسالة واتس وعينى ورمت بسببه ».. أبرز تصريحات هنادي مهنا وأحمد خالد صالح مع صاحبة السعادة
حل الفنان أحمد خالد صالح وزوجته الفنانة هنادي مهنا، ضيوفًا على الإعلامية إسعاد يونس، في برنامجها "صاحبة السعادة"، المذاع عبر فضائية "دي إم سي – DMC"، وكشفا خلال الحلقة لأول مرة تفاصيل جديدة عن علاقتهما كيف نشأت، وكيف عبرا عن حبهما لبعضهما، وبعض المواقف التي جمعتهما خلال فترة تعارفهما.
وخلال السطور التالية يرصد "مستقبل وطن نيوز" أبرز تصريحات هنادي مهنا، وأحمد خالد صالح خلال لقائهما ببرنامج "صاحبة السعادة":
1- قال أحمد خالد صالح إنهما في البداية كانوا أصدقاء، ويعرفون بعضهما قبل دخولهما مجال التمثيل، وكانوا يتقابلون في المناسبات، متابعًا: "كان فيه مسئولية جمعتنا وهي إننا مش شايلين أسامينا لوحدنا، كان علينا مسئولية أهلنا اللي تعبوا كتير في اللي وصلوله، دا كانت أرض مشتركة بيننا، بعد كدة الموضوع اتطور وبقي فيه بينا تليفونات وإحنا في الشغل، وكنا بنقعد نتكلم كتير".
2- وقالت هنادي مهنا إنهم في بداية علاقتهما كانوا يتحدثون كثيرًا في أمور الشغل؛ لأنه لم يكون بينهما علاقة صداقة قوية، وكانو يسلمون على بعضهما عندما يلتقون في أي مكان فقط، مشيرة إلى أن الأمور بينهما تطورت وأصبحوا يتحدثون كثيرًا، متابعة: "فيه مكالمة قعدت 4 ساعات مش عارفة ليه.. كنت قاعدة في مكان بصور مسلسل، وهو كان في مكان بيصور فيلم، وكنا قاعدين بنتكلم والمكالمة تفصل ونتكلم تاني".
3- وقال أحمد خالد صالح: "قبل ما أدخل الجامعة كنت عاوز أطلع طيار، وروحت لبابا قلت له عاوز أبقى طيار قال لى:"عاوز تبقى سواق؟"، وبعد كده غيرت فكرتي وخدت كورس مسرح وحبيت التمثيل وانطلقت".
4- هنادي: "أول مرة حسيت بحاجة من ناحية أحمد، لما عيني حصل فيها التهاب كلمته قالي حطي عسل أبيض، سمعت كلامه وعلى كمية الوجع اللي حسيت به، وعيني ورمت وكان عامل نفسه دكتور، وقتها حسيت إني بكرهه وقولت أنا لازم أعلمه بلوك، وبعدها قعد يبعتلي رسائل ويطمئن عليا وكنت مبسوطة جدا".
5- هنادي: "أحمد لما اعترفلي بحبه كنت في خروجه ولاقيته بعتلي على الواتس آب وأنا كنت أول مرة أنتبه للموبايل ممكن يرن 9 سنين ومردش، في وقتها بقي كنا بنتكلم قالي I love you، وانا رديت عليه قولتله I love you more، بعد ما اتقالت موقفناش عندها، وكملنا كلامنا عادي في حاجات تانية".
6- هنادي: "مكنتش عاوزة أدخل مجال التمثيل لأني بحب الغناء أكثر وقدمت في ذا فويس واتقبلت من ضمن 500 واحد، بس كان آخر امتحان لدخول ذا فويس كان مع امتحان جامعتي وقلبت الدنيا دراما".
