رئيس التحرير
أحمد ناصف
رئيس التحرير
أحمد ناصف

المهندس أشرف رشاد يكشف تفاصيل أول عجلة دوارة بالقاهرة والأكبر في إفريقيا

نشر
مستقبل وطن نيوز
كشف المهندس أشرف رشاد الشريف النائب الأول لرئيس حزب مستقبل وطن الأمين العام، عن أول عجلة دوارة في القاهرة والأكبر في إفريقيا بإرتفاع 120 متر، ومكانها هيكون على النيل وهيتم إطلاقها في 2022.

وأضاف المهندس أشرف رشاد على صفحته بموقع فيس بوك " عين القاهرة هتكون في الزمالك ومصمم المشروع كان حريص على الحفاظ على هوية المكان، وزيادة المساحة الخضراء في حديقة المسلة اللي هيقام فيها المشروع وهتزيد بنسبة 15% مع الحفاظ على كل الأشجار والنخل الموجود هناك".

وتابع "كما تم وضع خطة للحفاظ على السيولة المرورية في الاعتبار وعشان كده هيكون فيه جراج بيساع 500 عربية على مساحة طابقين، وهتقدر توصل لعين القاهرة من خلال الأوتوبيس النهري أو التاكسي النيلي التابع ليهم، أو الاوتوبيسات اللي هتنقل الناس مخصوص لحد هناك من غير زحمة.

واستكمل" المكان هيكون وجهة سياحية متكاملة، لأن العجلة الدوارة هي برج مراقبة تقدر تشوف منها معالم القاهرة كلها زي القلعة والبرج والأهرامات، وكمان هيكون متوافر فيها تاكسي للنيل تقدر تاخد جولة نيلية، وتتعرف على القاهرة اكتر، عشان يبقى المكان مقصد سياحي للزوار مش مجرد رحلة ترفيهية.

وقال" كمان المشروع هيغير الخريطة السياحية لمصر، وهيخلي السياح يجوا مخصوص القاهرة عشان يستمتعوا بمعالمها من خلال "عين القاهرة" اللي هتكون جزء أساسي في برنامجهم.عين القاهرة هتساع 350 راكب في الرحلة الواحدة.

ولفت إلى أن " عين القاهرة تستهدف المساهمة في التنمية الثقافية والسياحية بمصر، كنقطة ربط ومرجع سياحي، ليصبح سمة مميزة للمدينة على المستوي العالمي، وهناك بالفعل العديد من الأمثلة التي أثبتت نجاحها الكبير لهذة العجلة بمدن كثيرة منها لندن وباريس ولاس فيجاس وسنغافورة.
 
واختتم "يرجع هذا النجاح بسبب تصميمها الذي يمزج بين الترفيه والتعلم لكل الاعمار خاصة الأطفال والطلاب والمتقاعدين والأشخاص ذوي الإحتياجات الخاص.

 
 
 
 
 
 
 
+6
 
 
35
4 Comments
8 Shares
 
Like
 
 
 
Comment
 
 
Share
 
 
عاجل