هنادي مهنا عن دورها في «خيط حرير»: كنت عايزه أخرج من أدوار الطيبة والكيوت

 أكدت الفنانة هنادي مهنا، اختلاف دورها في مسلسل "خيط حرير" في المضون والشكل عن تجربتها في مسلسل "خيانة عهد" و"الفتوة" الذين عرضا في رمضان 2020.

وأضافت مهنا، في حوار لها مع الإعلامية لميس الحديدي ببرنامج "كلمة أخيرة" على شاشة  "ON"، أن دورها في "خيط حرير" يمثل انقلاباً في طبيعة أدوارها  حيث أنها كانت قلقة جدا من دورها لكنها في ذات الوقت كانت سعيدة ومسرورة بالدور.

وقالت: "كنت فرحانه في نفس الوقت وعايزاه لأني عملت أدوار طيبة وكيوت كتير كان لازم أجرب حاجة مختلفة وكان التحدي ليا إن الناس لو كرهتني في الدور اللي بقوم بيه كان ده النجاح اللي هقدر أوصله".

 وأشارت الفنانة الشابة إلى أن  ردود الأفعال على السوشيال ميديا على دورها كانت "كارثة" بحسب وصفها، مضيفة: "الناس كرهتني ونجحت في ده وكانوا بيقلولي بتعاملي جوزك كده ليه؟".

وحول تصوير العمل قبل زفافها قالت مازحة: "بدأنا العمل بدري وكنت عاملة حسابي يبقى قبل معاد فرحي بس في الآخر بقى شاركوني في التجهيزات كنت بقلهم معلش ياجماعة هروح أجيب التلاجة وأجي".