بعد اعتزالها التمثيل وارتداء الحجاب.. مي فخري: «ربنا إداني نعم مش علشان أبسط الناس بيها»
خرجت الفنانة المعتزلة مي فخري، عن صمتها وكشفت عن السبب الحقيقي وراء اتخاذها قرار اعتزال التمثيل وارتداءها للحجاب، مشيرة إلى أنها اتخذت ذلك القرار لأنها أرادات أن تحافظ على النعم التي وهبها الله لها، وذلك عاد عليها بحال أفضل والشعور بالراحة.
ونشرت الفنانة المعتزلة مي فخري، عبر صفحتها الشخصية بموقع تبادل الصور والفيديوهات "إنستجرام" فيديو لها، قالت فيه: "بعيدًا عن الناحية الدينية تماما ومش هندخل فيها وأنا هتكلم بشكل منطقى الحمد لله ربنا أتم خلقي كاملة ومعنديش مشكلة واداني نعم كتير مش عارفة أقول إيه ولا إيه وهو إدانى أنا النعم مش علشان الناس تتبسط بيها".
وأضافت مي في الفيديو الذي نشرته: "النعم دي حبيت أحافظ عليها ودلوقتي أنا في حال أفضل بكثير وأشعر بالراحة.. ودلوقتي عندى إحساس إنى أحسن، ومش متقيدة خالص أو إن شكلي مش حلو".
وتابعت: "بالعكس مبسوطة أكتر من الأول بكتير وبلبس كل اللي أنا عاوزه بشكل محتشم ويليق مع الحجاب.. ده غير إني نفسيًا بقيت أحسن بخرج في الشارع أحسن ومفيش حد بيبص عليا النظرة اللي كل البنات عارفاها ويبقى نفسها الأرض تتشق وتبلعك".
وأنهت الفنانة المعتزلة مي فخري حديثها، قائلة: "الحمد لله مبقاش يحصل ومش بأخذ ذنب ناس مش قادرة تبص في الأرض أو مش قادرة تغض بصرها.. مبقاش يتبص عليا ومبقتش أتضايق لما أخرج كل حاجة بقت أحسن.. ربنا اداني نعم وأنا بحافظ عليها".
View this post on Instagram
جدير بالذكر أن مي فخري كانت أعلنت اعتزالها التمثيل وارتدائها الحجاب في شهر سبتمبر الماضي، وقامت بحذفت كل صورها على مواقع التواصل الاجتماعي، واستبدلتها بفيديوهات وصور ترتدي فيها غطاء على رأسها.
ومي فخري كانت ممثلة وعارضة الأزياء، حققت شهرتها من خلال مجال الموديل وعرض الأزياء، وكانت أول تجاربها في السينما فيلم "عمر وسلمى 3"، وبعدها شاركت فى العديد من الأعمال بالدراما والسينما منها "مسلسلات "من الجانى" و"نصيبى قسمتك" و"هبة رجل الغراب" و"بيت السلايف" و"حكايات بنات 3" و"البيت الكبير" الجزء الأول والثاني، وكذلك مسلسل "أفراح ابليس 2".
