بعد شائعة زواجها.. رضوى الشربينى تتصدر جوجل
تصدرت المذيعة رضوى الشربيني مؤشر الأعلى بحثا على موقع جوجل، وذلك بعد ترددت أخبار على السوشيال ميديا عن زواجها مما دعاها للرد من خلال فيديو قصير نشرته على حسابها الشخصى على موقع التواصل الاجتماعى "فيس بوك".
وقالت"الشربينى":منذ أن دخلت مجال الإعلام واجهت الكثير من الشائعات، لا سيما المرتبطة بالزواج والطلاق، ولم أرد على أي منها سوى مرة واحدة حينما قيل اسم مواطن مغربي صراحة، فكان لا بد أن أرد وأنفي الواقعة، والآن كان لا بد أن أرد على هذه الشائعة الحالية لأنها لا تخصنى فقط ، بل متعلقة بأشخاص آخرين أحبهم وبعتبرهم بمثابة أسرتى، وأكن لهم كل الاحترام والتقدير.
وتابعت قائلة..أنا مش مرتبطة ولما هرتبط كل الناس في مصر هتعرف.. مش مصر بس ده الوطن العربي كله هيعرف.. عشان أنا مش الست اللي بتعمل حاجة في الخفاء.. الجواز مش حرام ومش عيب، لكن أنا دلوقت مش مرتبطة خالص، بقول ده لأن في شخص مش محترم طلع عليا إشاعة مش محترمة.. لو أنت مبتحبنيش طلع اللي أنت عايزه مش هتكلم، لكن متضرش ناس تانية معايا، ليه تضر عيلة كاملة وراجل وست محترمين ملهمش ذنب، الناس دي إخواتي فعلا .
وأختتمت قائلة..في ست تقبل إنها تتجوز راجل متجوز لكن أنا لا أقبل ده، مهما حصل، كل الناس يعرفوا هي مين رضوى الشربيني، وإن أنا نصيرة المرأة وبقول لكل ست ابعدي عن كل راجل متجوز، فأنا مش هكون أول ست تكسر قلب ست زيي، أنا مش مرتبطة وبربي بناتي وبشوف شغلي ومشاكل الستات واللي بنقدر نحله بنحله، ولما اتجوز هعلن للدنيا كلها .
