(يرجى رفع الخبر من جديد الخبر مرفوع مقال)...بعد انفصالها.. مي حلمي تتوعد لرواد السوشيال ميديا

نشرت مي حلمي، مقطع فيديو ظهرت فيه وهي توجه رسالة عنيفة لرواد السوشيال ميديا المهتمين بموضوع انفصالها عن الفنان محمد رشاد، عبر خاصية الستورى بانستجرام، قائلة :"انتوا ميتقالكمش غير كلمة وبعدين، كل القرف اللى فى الدنيا، الواحد يتجوز يتطلق، انتوا مالكوا، انتوا حاشرين نفسكم فى تفاصيل حياتى اكتر منى".

 

وتابعت :"انتوا حلكم ان حياتى متبانش ليكم، انا كنت مقررة، ان حياتى متبانش ليكم، مع التطفل دا، وعزة وجلال الله، كل سكرين شوت لقلة الأدب، فى حاجات اسمها قضايا تشهير، انا اتعلمت، كلام السوشيال ميديا بيتم فيه ايه وبيحصل في ايه، دا العادي، قولوا اللي عندكم، بس اللى مزعلنى فى اللي حصل دا حاجة واحدة بس، موضوع فستان الفرح بتاع البنات، خلاص مانا عندي 4 غيره اتبرع بالأربعة لأربعة تانيين دا بس مزعلنى عشان فرحة البنات".

                                                                                

وواصلت :"لكن اي حاجة تانية بعرف اتعامل معاها عشان دي مش اول مرة، وانا مش مضطرة ابرر حاجة،بس المرة دي مش هسكت، لو ليا مزاج اقول حاجة هقولها، وارتاحوا لما يجيلى الوقت انى اعرف حد حاجة عنى بمزاجى هعرفه".

 

واسترسلت :"الستورى دي انا عاملاها عشان انتو اللى مهتمين تعرفوا حياتنا اكتر مننا، وتعرفوا كل التفاصيل اكتر منى أنا شخصيا، انتوا مالكم، بقولكم زودوا عدد الفولورز عندي اشكركم، الناس اللي عايزه تتطمن عليا على عينى وعلى راسى، قلة الادب اللى بتكتبوها دي بناء على ايه، عايزين تطلعوا ترند على أى حاجة.

 

وكان الفنان محمد رشاد قد أعلن رسميا انفصاله عن مي حلمي، وقام بالغاء متابعتها على انستجرام، ومسح الصور الذي تجمعه بها.