الرئيس السيسي: لدينا فائض من الكهرباء ويمكن التصدير لدول الجوار

قال الرئيس عبدالفتاح السيسي رئيس الجمهورية، إن الدولة لن تغفل قطاع أو تهمله وكل قطاع يتعدى تكلفته تريليون جنيه يعني 1000 مليار جنيه، معقبا: "كان عندنا مشكلة في مصر بمنتهي التواضع دون الإساءة لحد والناس كلها قالت محدش يقدر.. ولكن ربنا أعانا وبيكم يا مصريين عملنا مش بالحكومة بس".

وأضاف "السيسي"، خلال كلمته في افتتاح مشروع الفيروز للاستزراع السمكي، أنه لو المشروعات التي تتم لم تكن بأيدي شركات مصرية، التكلفة كانت ستتغير تماما، معلقا: "الجنيه كان هيبقى دولار بمعني مليار دولار وده فضل من ربنا".

وشدد على أن الدولة المصرية لم تترك قطاع إلا عملت فيه خاصة أن الوضع كان "ملح ومهم"، معقبا: "مكناش نقدر نستمر بوضع الكهرباء كانت المصانع بتقفل والحضانات كانت في خطورة على الأطفال عشان مفيش كهرباء.. ديه دولة!!".

وأضاف أن الوضع تغير وأصبح لدى مصر فائض من الكهرباء ويمكن التصدير لدول الجوار، معلقا: "إحنا معنداش مشكلة في الغاز أو الكهرباء.. وتجاوزنا المشكلة.. ودلوقتي بنحسن القطاع وندخل العالمية.. مش بنبيع الوهم للناس.. إحنا منعرفهوش وبنحاول نكون صادقين مع نفسنا ومعاكم".