خاص| أشرف زكي: مليش علاقة بأزمة محمد رمضان ومفيش تحقيق
نشر
نفى الفنان أشرف زكي، وجود أي علاقة له بأزمة الفنان محمد رمضان الأخيرة، التي حدثت في إعلانه الجديد، بانفجار قنبلة خلال التصوير، وتعرض هو ونجل الفنانة لبنى ونس، يوسف عمر، للإصابة ببعض الحروق.
وقال أشرف زكي نقيب المهن التمثيلية، في تصريحات خاصة لـ "مستقبل وطن نيوز"، إنه ليس له أي علاقة بالفنان محمد رمضان وأزمته، ولن يحدث تحقيق فيما حدث، مؤكدًا أنه لن يتدخل في أي شيء.
جدير بالذكر أن الفنان محمد رمضان، كان قد كشف أمس السبت، عن تعرضه للإصابة خلال تصوير إعلان لأحد المنتجات، أثناء تصويرهم مشهد "أكشن" استخدموا فيه قنبلة "فشنك"، لتخرج بعدها الفنانة لبنى ونس، وتفجر عن غضبها، معلنة إصابة ابنها يوسف معه في الإعلان، مطالبة بالتحقيق في الأمر.
ونشرت الفنانة لبنى ونس، والدة الفنان الشاب يوسف عمر، عبر صفحتها على موقع التواصل الاجتماعى "فيسبوك"، تعليقا على الواقعة، قائلة: "إذا عملنا كل حاجة طبيعية وحقيقية كنا هَلَكنا، ولا تُلقوا بأيديكم إلى التهلُكة، يعنى إذا فى مشهد يا أستاذ محمد التمساح بياكلك نترحم عليك ويبقى آخر مشهد فى حياتك، فى مهنتنا يا أستاذ محمد رمضان وأنت وأنا وكلنا عارفين إن ما يسمى بالنجم استغفر الله العظيم بيتعاملوا معاه فى اللوكيشن كأنه إله هو المِحور والكل يدور حوله، هل ممكن تتعرض لما حدث لابني فى التصوير معاك، مستحيل طبعا بتعمل أكشن وبتبقى عارف قبلها كل تفاصيله مرة واتنين وعشرة واللي عاجبك بتوافق عليه واللى مش عاجبك بتغيره".
وأضافت لبنى ونس: يعنى القنبلة "خاصة بالتصوير" اللى زرعها عصام الوريث لابني تحت منه ومن غير ما يقوله ولا حتى يلبسوا واقي يقدر يعمل معاك كده؟ ليه؟!!!! إنت بني آدم وابني مش بني آدم؟ أنت أغلى الناس عند والدتك ويوسف نن عيني وما فيش أغلى من الضنا، حط ابنك مكان يوسف هاتقول برضه كله فى حبكم يهون بس أرجع واقولك ابني ربنا هايجبله حقه من اللى اسمه عصام الوريث ده اللى ميعرفش أبجديات عمله اللى بيستبيح حياه الشباب عشان يحقق الطبيعية المزعومة الغلط اللى حضرتك بتتكلم عنها حق بني إن شاءالله هايرجعله مش هاسيبه عشان يبطل سي الوريث دة إنه يستهين بحياة الناس، سؤال بقى لما نموت سيادة النجم هايندفن فين؟؟ الديان والعدل والحق موجود واعتمدنا عليك يارب.
