وزير التعليم عن مطالب تقييم الطلاب من البيت: «إحنا مش سوبر ماركت»
قال الدكتور طارق شوقى وزير التربية والتعليم، إن الدولة قدمت كل الحلول المناسبة لتقييم الطلاب، وأن الوزارة لم يكن أمامها إلا حلول محددة.
وأضاف الوزير في حواره لقناة "مدرستنا1":" أول الحلول منعملش تقييم دون امتحان وده رافضينه وعشان أنجح لازم أكون أستحق ولا نقبل نقيم طلاب بدون امتحانات ومنقدرش نعمل تقييم من البيت لأن الطلاب بتنقل من بعض".
وتابع: "هناك فصال فى المطالب والتعليم مش كده لأنه مش سوبر ماركت والحل المتاح حاليا أقيمه ومش أنزل الطالب كتير وبقول أننا هنحمى الطالب ساعتين وهنقلل عدد الأسئلة وعدد التواجد فى المدرسة، ولو فكرنا فى حلول تانية مش هنلاقى".
واستطرد وزير التربية والتعليم: "لو نظرنا لسنوات النقل كل الطلبة بتنجح ولا يوجدقلق كما أن كورونا وضع مريح لينا كما تقول وزارة الصحة ولو معملناش التقييم ده السنة هتضيع، وكل هدفنا تعليم الطلاب والامتحان ستكون سهلة وأسهل مما تخيلنا"
وعبر الدكتور طارق شوقى، عن تعجبه الشديد من الجدل المثار من بعض أولياء أمور طلاب صفوف النقل، المتخوفين من فكرة الامتحان قائلًا: "يعنى إحنا قدرنا ظروف كورونا وبدل ما نعمل 5 امتحانات عملنا امتحان واحد فى يوم واحد، يبقى المفروض الناس يبقوا سعداء مش العكس، ولو المصريين عندهم استعداد ينزلوا ولادهم يمتحنوا كل مادة لوحدها ومش مضايقين من كورونا وعندهم استعداد ينزلوا 10 أيام بدل يوم ويمتحنوا كل مادة لوحدها يقولوا لنا".
وأكد وزير التربية والتعليم والتعليم الفني، أن من يضع امتحانات المدارس الدولية ليست وزارة التربية والتعليم، موضحا أن مواد الهوية بالمدارس الدولية أو خلل فى محتوى امتحانات المدارس الدولية فهى مسئولية وزارة التربية والتعليم.
